ديما صادق تتعرض للإنتهاك اللفظي «بتستاهلي حدا يغتصبك»

أن نختلف في الرأي فهذا يحدث، أنّ نتشبث بفكرتنا وندافع عنها فهذا طبيعي، أن نختلف ونتفق على ألا نتفق فهو شائع جداً ، لكن ما هو غير طبيعي أن نستبدل الفكرة والنقاش بانتهاكات لفظية، تتربص دائما بجسد المرأة وهو ما عايشته الإعلامية ديما صادق التي تعرضت لانتقادات كثيرة عبر مواقع التواصل الاجتماعي حتى وصل بأحد الناشطين كتابة التالي “بتستاهلي حدا يغتصبك”.

هذه العبارة دفعت بديما إلى نقلها للرأي العام بمنشور علّقت فيه: “تعرضت كتير لهجومات. بس هاي المرة كانت غير كل المرات . وقع كلمة الاغتصاب على المرأة مرعب . مرعب . أرعب بكتير من التهديد بالقتل .”

وسألت: “كامرأة ليه عّم اتعرض لهل انتهاك اللفظي ؟ ليه ؟ شو عملت انا لاستحق هل شي ؟ لأني قلت انو بدّي اللبناني المسلم و المسيحي يعيشو حد بعضهن ؟ لأني قلت انو في إنسان مسكين عايش بخيمة خللينا ما نجرحو بخطابنا و هجومنا ؟ لأني قلت في أطفال بسوريا و باليمن عّم بموتو ؟ شو عملت أنا لاتهدد بالإغتصاب و القتل و السب و تشكيك بالشرف؟ طيب حسلم جدلا انو افكاري اللي عّم دافع عنها غلط ، بس انا ما قتلت حدا، ما عنفت حدا، ليه عقابي بدو يكون إنتهاك جسدي بدل نقاش فكرتي؟ أي مجتمع أنتم وأي بيئة وأي أفكار سياسية و أي كره عّم يزرعوا فيكن ليطلعوا منكم أبشع ما في الطبيعة البشرية؟ لوين رايح هالبلد وهالمجتمع؟ ليه هالكره والبشاعة كلها ليه ؟

وختمت ديما صادق: “مش مهم التهديد الشخصي لإلي ، هيدا تفصيل صغير ، بس الخوف الحقيقي انه منسوب الكره بهل بلد صار لا بد ، لا بد ، من اخد تدابير مسؤولة للسيطرة عليه و إلا الكارثة جاي لا محال. أنا من جهتي ما عندي إلا جواب واحد : كل الحب لإلكم ، و الله يهدي اللي عّم يتبعوا هالخطاب .”